الساعة اللي سكتنا فيها

كس أخت الساعة اللي سكتنا فيها..

على حسني الزعيم وأول انقلاب عسكري بتاريخ سوريا ونجاحو بالاستفتاء بنسة 99.9%.

على الوحدة مع مصر وسرقة جمال عبد الناصر للبلد واستبدادو والعسكري وحلو للأحزاب السياسية بسوريا.

على قمع امين الحافظ لأي حركة كانت تصير ما تعجبو هو وجماعتو وعقانون الطوارئ والأحكام العرفية.

على انقلاب حافظ الأسد على رفقاتو ومن اهمون صديقو صلاح جديد، وتركو ليموت بالسجن.

على كذبة بطل تشرين.

على الاستفتاءات المسخرة اللي كان ينجح فيهون حافظ الأسد بنسبة 99.9%

على مجازر حماه وتدمر وغيرها.

على قمع الفن والثقافة والصحافة وتسسيهون.

على جعل المستشفيات والمدارس والمتاحف والدور الثقافية أشبه بالسجون.

على استلام بشار السلطة بطريقة مسخرة وعلى البرلمان المسخرة اللي عنا.

على فروعة الأمن واللي عم يعملو بالمعتقلين.

على استبداد السلاح.

على اللي عم يعملو العصابات والجماعات الإسلامية وتشويهون للثورة.

على داعش والنصرة والأجانب اللي فاتوا عالبلد من إيرانيين ولبنانيين وشيشان وسعوديين وتونسيين ووو.. الخ.

على مثقفينا الزبالة اللي انقسمو لموجتين موجة ركبت النظام وموجة ركبت الثورة.

على حسام ملص وأحمد سبايدر.

على أبو علي خبية.

لك كس أخت الساعة اللي سكتنا فيها على كل غلط صار بتاريخنا كمجموعة أو كأفراد.

كس أخت الساعة اللي سكتنا فيها والساعة اللي رح نسكت فيها.

هذه المقالة كُتبت في التصنيف غير مصنف. أضف الرابط الدائم إلى المفضلة.

تعليق واحد على: الساعة اللي سكتنا فيها

  1. randa baas كتب:

    حبيت كتير.
    حبيت لأنه النقد الذاتي ما اقتصر على جيلنا وطال جيلكم كمان.
    طيب عملنا النقد الذاتي. المهم ما تتكرر الأخطاء، ما يتكرر الصمت!

اترك رد