وا يلبغاااااه

كل شي ممكن أفهمو بالعالم إلا هالشي.. 
ممكن أفهم كيف صارت داعش وممكن أفهم تدخل دول التحالف بسوريا وممكن أفهم تمسك الأسد بالسلطة وممكن أفهم ليش زهران علوش أهبل وممكن أفهم ليش الكورد والعرب عم يتحاربوا وممكن أفهم السنة والشيعة ليش ما بيطيقو بعض وممكن أفهم كيف قطر والسعودية وتركيا وإيران عم يبعبصو فينا لك ممكن أفهم كل شي إلا هالشي
لك مجمع يلبغا بدون يكسو… يا عارنا المؤبدا.. 

لك هاد أنا وإخواتي وعمامي وولاد عمتي وقرايبينا كلنا ربينا بشارع الثورة بمحلنا اللي هدتو الدولة بدون ما يعطونا تعويض وكان مجمع يلبغا شاهداً على طفولتنا ومراهقتنا..

لك بالثانوي كنت بمدرسة جودت الهاشمي وكل يوم مر من قدّام يلبغا اللي كان شاهد على زعرنتي وأيام فلتاني..
لك أنا وطالب جامعة كنت كل يوم مر من قدام يلبغا ليكون شاهداً على علاقاتي وعلى فشلي الدراسي..
لك أنا ومتطوع بالجمعية السورية للبيئة كنت كل يوم مر من قدامو ليكون شاهداً على لمّي الوسخ من الشارع وعلى تنظيفي لوسخ بردى..
لك أنا وعم اشتغل بالحريقة كنت مر من قدامو كل يوم وأنا عم اشتغل بالطلياني كان لازم مر من قدامو كل يوم.. لك أول مرة انعرضلي فيلم بحياتي كان بالمركز الثقافي الفلندي بالشام القديمة.. بس بهداك اليوم مريت من قدام يلبغا مرتين..
وهلئ جايين يحرموني من يلبغا..
يلبغا يا شعراً على حدقاتِ أعيننا كتبناهُ … لك على قولة “علي دياب” هاد عمرو اكبر من عمر دبي.. وهلئ بهالسهولة جايين يحرمونا منو ويكسو يلبغا..
آه يا يلبغا آه

 

10702151_10152429697698262_2853928704436323363_n

هذه المقالة كُتبت في التصنيف غير مصنف. أضف الرابط الدائم إلى المفضلة.

اترك رد