أنا من بلد…

أنا من بلد دور المؤسسة الطويل مع بونات السكر والرز
أنا من بلد الأطفال فيه بيلعبوا طابة بجرابات قديمة أو بجوزة الفولار ولما بيكبروا بيصيروا يلعبوا طابة بكولاية مفعوسة
أنا من بلد كل بيوتو كانت تحضر مرايا ياسر العظمة
من بلد الكنيسة جنب الجامع بس عادة ما بيطيقو بعض
من بلد لقمان ديركي بيقتل الزير سالم بالحلقة الأخيرة
من بلد طلائع البعث ودفاتر المؤسسة وصورة حافظ الأسد عالجلدة
من بلد الـ رتلاً ترادف ..
من بلد تحية العلم
من بلد حق صورة حافظ الأسد مع ولديه ليرة سورية واحدة
من بلد كان فيه حدا من كل بيت بالتمانيات والتسعينات إما عسكري بلبنان أو مهرب على طريق لبنان
أنا من بلد جماهير كرة القدم لما الشرطة بتاخد شي ولد بيبلشو ينادو “كرمال الأسد فلتو” فالشرطي بيخاف وبيترك اللي كان عم يعتقلو من شوي
من بلد هتافو المفضل بالمباريات “كس أختك يا حكم”
أنا من بلد الفسيفساء والنسيج الاجتماعي الجميل
أنا من بلد كل الشعب عضو عامل أو عضو نصير بحزب البعث “غصباً عنو طبعاً”
أنا من بلد كل أطفال العاصمة تبعو شخو ببردى يوماً ما
أنا من بلد كل مهربين الدخان اللي في بيصلو صلاة الجمعة بالصف الأول بالجامع
أنا من بلد العسكري اللي بيطالعلك دفتر الجيش بيغض نظر عن شعرك الطويل كرمال ميتين ليرة
أنا من بلد الأطفال فيو بيلحقو سيارة رش المبيدات الحشرية
من بلد كل شبابو عندو سهرة لعب شدة يوم الخميس
أنا من بلد القناة الوحيدة اللي عندو بتطالع يوم التلاتا برنامج الشرطة في خدمة الشعب وبعدها محطات رياضية وبعدين أخبار وبعدين اليانصيب
أنا من بلد مجلة التلفزيون وغداً نلتقي وآخر المشوار
أنا من بلد أخبار التمانة ونص
أنا من بلد عدنان بوظو
من بلد جوزيف بشور ووجيه شويكي
أنا من بلد الجمعيات ومؤسسات المجتمع المدني والمنظمات الدولية اللي أكتر من الهم عالقلب
أنا من بلد دور الإغاثة والإعانة أطول من دور المؤسسة الاستهلاكية أيام زمان
أنا من بلد الرشوة
أنا من بلد قوارب الموت بالمتوسط وبراميل الموت بشرق المتوسط
أنا من بلد أبو علي خبية
من بلد زهران علّوش وشبيحتو
من بلد انقسم فيها كل شي فيها أي شي فيها بينشق لقسمين.. حتى القاعدة انشقت عنّا.. تخيلو عهالبلد
أنا من بلد بنشجع فيو برشلونة وريال مدريد أكتر من إسبانيا
أنا من بلد بكل حارة فيو تلت تنسيقيات وبالطالع
أنا من بلد اللي بيتجوز أمي بقلّو يا عمي
من بلد السكايب والفيس بووك
أنا من بلد الناشطين الغاضبين (فيك تتخيل صورة أنغري بيرد عزيزي المواطن)
أنا من بلد ما حا لحا وما حا بيحب حا
أنا من بلد الائتلاف والمجلس الوطني
لك أنا من بلد هيئة التنسيق والمنبر الديمقراطي
أنا من بلد جنيف 2
أنا من بلد فيو إيفنتات الفيس بووك بشهر أكتر من كل الفعاليات الثقافية اللي صارت بآخر عشر سنين
من بلد جبهة النصرة وداعش وأجناد الشام… الخ
أنا من بلد ما حدا بيحب يعيش في كل العالم بتحب تموت فيه مدري عليه
أنا من بلد الأطفال فيو بيلعبو فوق صاروخ مانو مفجور..
من بلد ما فيو مدارس
أنا من بلد الرفيق المظلي البطل القائد العام للجيش والقوات المسلحة أخو الشرموطة بشار حافظ الأسد
أنا من بلد بيتابعو فيه العالم قناتي الجزيرة والعربية بقوة
أنا من بلد معتر ملتعن أبو سلافو وكيف لهلئ ما انتحرنا كلنا ما عم أعرف.

هذه المقالة كُتبت في التصنيف غير مصنف. أضف الرابط الدائم إلى المفضلة.

اترك رد